Күжәкә
| Ауыл | |
| Күжәкә | |
|---|---|
| татар. Күжәкә | |
| 55°38′55″ с. ш. 53°34′58″ в. д.HGЯO | |
| Ил |
 Рәсәй Федерацияһы |
| Федерация субъекты | Татарстан |
| Муниципаль район | Аҡтаныш |
| Ауыл биләмәһе | Күжәкә |
| Тарихы һәм географияһы | |
| Сәғәт бүлкәте | UTC+4:00 |
| Милли составы | татарҙар[1] |
| Һанлы идентификаторҙар | |
| Почта индексы | 423734 |
| Код ОКАТО | 922 058 270 01 |
| Код ОКТМО | 92 605 427 101 |
| Номер в ГКГН | 0142931 |
|
|
|
Күжәкә — Рәсәй Федерацияһы Татарстан Республикаһының Аҡтаныш районындағы ауыл. Күжәкә ауыл биләмәһенең административ үҙәге.
География
Ауыл Күжәкә йылғаһы буйында, Аҡтаныш ауылынан көньяҡ-көнбайышҡа табан 40 км алыҫлыҡта урынлашҡан[1].
Тарих
Күжәкә — байлар ырыуы башҡорттарының ауылы[2]. 1706 йылдан билдәле[1]. 11-се башҡорт кантоны, Ырымбур губернаһы Минзәлә өйәҙе Байлар улусы Ҡалмаш түбәһенә ҡарай, 1865 йылда был өйәҙ Өфө губернаһына инә. 1866 йылда ырыу улустары бөтөрөлгәс, ауыл Семиострово (Ушар) улусы составына керә.
1870 йылда 2 тирмән (1 — ел тирмәне), 2 мәсет, 2 мәктәп; 1905 йылда — 2 бакалея кибете, хужалыҡ магазины теркәлгән[3].
1920 йылдан Татар АССР-ының Минзәлә кантоны, 1930 йылдан — Аҡтаныш районы, 1935 йылдан — Калинин районы, 1959 йылдан — Аҡтаныш районы, 1963 йылдан — Минзәлә районы, 1965 йылдан — йәнә Аҡтаныш районы составына керә[1].
Халыҡ һаны
1795 йылда ир енесле 359 башҡорт, 30 типтәр; 1859 йылда — 480 башҡорт; 1870 йылда — 904 башҡорт; 1902 йылда — 782 башҡорт йәшәй[3].
Инфраструктура
Игенселек, малсылыҡ үҫешкән. Мәктәп, мәҙәниәт йорто бар[1].
Билдәле шәхестәре
- Заманов Хәсән Заман улы — Советтар Союзы Геройы[2].
- Әбсәләм Әбдрәшитов — поход старшинаһы, 14 класлы чиновник. Шәхси дворянлыҡ ала[3].
Иҫкәрмәләр
- ↑ 1 2 3 4 5 Татарская энциклопедия. Т. 3. — С. 498.
- ↑ 1 2 История башкирских родов. Кыргыз. Том 10 / С. И. Хамидуллин, Ю. М. Юсупов, Р. Р. Асылгужин, Р. Р. Шайхеев, И. Р. Саитбатталов, В. Г. Волков, А. А. Каримов, А. М. Зайнуллин, Р. М. Камалов, Ф. С. Марваров, Р. М. Рыскулов, А. Р. Асылгужин, А. Я. Гумерова, Г. Ю. Галеева, Г. Д. Султанова. — Уфа: ГУП РБ Уфимский полиграфкомбинат, 2016. — С. 135-136. — 808 с.
- ↑ 1 2 3 Асфандияров А. З. Аулы мензелинских башкир. — Уфа: Китап, 2009. — С. 359—365. — 600 с. — ISBN 978-5-295-04952-1.
.gif)
.png)