Шәрип (Татарстан)

Был терминдың башҡа мәғәнәләре лә бар, ҡарағыҙ: Шәрип.

Шәрип — Рәсәй Федерацияһы Татарстан Республикаһының Аҡтаныш районындағы ауыл. Ураҙай ауыл биләмәһе составына керә.

Аҡтаныш ауылынан көнбайышҡа табан 11 км алыҫлыҡта урынлашҡан^[1].

Шәрип — гәрәй ырыуы башҡорттарының ауылы^[2]. 1758 йылдан билдәле^[1]. 11-се башҡорт кантоны, Ырымбур губернаһы Минзәлә өйәҙе Гәрәй улусы Әжәкүл түбәһенә ҡарай, 1865 йылда был өйәҙ Өфө губернаһына инә. 1866 йылда ырыу улустары бөтөрөлгәс, ауыл Шәрип (Таҡталасыҡ) улусы составына керә.

1870 йылда — 5 ел тирмәне; ХХ быуат башында мәсет (1835 йылдан билдәле), мәктәп, ел тирмәне, икмәк магазины, бакалея кибете теркәлгән^[1]^[2].

1920 йылдан Татар АССР-ының Минзәлә кантоны, 1930 йылдан — Аҡтаныш районы, 1963 йылдан — Минзәлә районы, 1965 йылдан — йәнә Аҡтаныш районы составына керә^[1].

1795 йылда ир енесле 90 башҡорт; 1816 йылда — 189 башҡорт; 1834 йылда — 217 башҡорт; 1903 йылда — 320 аҫаба башҡорт йәшәй^[2].

Йылдар буйынса халыҡ иҫәбе
(Сығанаҡ: ^[1])
1859	1870	1884	1897	1906	1913	1920	1926	1938	1949	1958	1970	1979	1989	2002	2010
395	433	494	521	602	500	383	410	458	388	403	399	340	244	213	205

Игенселек, малсылыҡ үҫешкән. Ауылда башланғыс мәктәп, мәҙәниәт йорто, китапхана бар^[1].

↑ ¹ ² ³ ⁴ ⁵ ⁶ ⁷ Татарская энциклопедия.
↑ ¹ ² ³ Асфандияров А. З. Аулы мензелинских башкир. — Уфа: Китап, 2009. — С. 492—495. — 600 с. — ISBN 978-5-295-04952-1.

География