Орёл өлкәһе
Орёл өлкәһе — Рәсәй Федерацияһы субъекты, Үҙәк федераль округ составына инә. Административ үҙәге — Орёл ҡалаһы.
Өлкә төньяҡтан — Тула, көнсығышта — Липецк, көньяҡта — Курс, көнбайышта — Брянск һәм төньяҡ-көнбайышта — Калуга өлкәләре менән сиктәш.
Орёл өлкәһе 1937 йылдың 27 сентябрендә ойошторолған.
Халҡы
Рәсәй Дәүләт статистикаһы федераль хеҙмәте мәғлүмәттәре буйынса, өлкәнең халыҡы 692 486 (2024) кеше тәшкил итә. Халыҡ тығыҙлығы — 28.09 кеше/км2 (2024). Ҡала халҡы — 73.28 % (2015).
- Милли составы
| Иҫәп алыу йылдары | 1989[1] | 2002[2] | 2010[3] |
|---|---|---|---|
| Милләтен күрһәткәндәр | 889056 (100 %) | ▼ 854210 (100 %) | ▼ 769467 (100 %) |
| Урыҫтар | 861901 (96,9 %) | ▼ 820024 (96,0 %) | ▼ 739019 (96,1 %) |
| Украиндар | 11512 (1,3 %) | ▼ 11212 (1,3 %) | ▼ 7917 (1,0 %) |
| Башҡа милләттәр | 15643 (1,8 %) | ▲ 22974 (2,7 %) | ▼ 22531 (2,9 %) |
Орёл өлкәһендә 2002 йылда — 149 башҡорт йәшәгәне теркәлгән[4].
Билдәле шәхестәре
- Артёмов Сергей Филиппович (1924—2015), төҙөүсе-инженер. Бөйөк Ватан һуғышында ҡатнашыусы, танк командиры, гвардия өлкән сержанты. 1977—1984 йылдарҙа «Свердлесстрой» тресының Әмзә төҙөлөш идаралығы начальнигы. Октябрь Революцияһы, 2-се дәрәжә Ватан һуғышы (1985) һәм Ҡыҙыл Йондоҙ (1945) ордендары кавалеры. Нефтекама ҡалаһы Әмзә ауылының почётлы гражданы (1997). Сығышы менән Дмитров районы Упорой ауылынан.
- Лякишев Николай Павлович (5.10.1929—18.11.2006), ғалим-металлург. 1987—2004 йылдарҙа А. А. Байков исемендәге Металлургия һәм материалдарҙы өйрәнеү ғилеме институты директоры. СССР Фәндәр академияһы академигы (1987), Башҡортостан Фәндәр академияһының почётлы академигы (1991), техник фәндәр докторы (1975), профессор (1979). Ленин премияһы (1976), СССР‑ҙың Дәүләт премияһы (1970), Рәсәй Федерацияһы Хөкүмәте премияһы (2002), Демидов премияһы (2005) лауреаты. Ленин (1981) һәм Хеҙмәт Ҡыҙыл Байраҡ (1971) ордендары кавалеры[5].
Административ-территориаль бүленеше
Орёл өлкәһендә 267 муниципаль берәмек бар, шул иҫәптән:
- 3 ҡала округы
- 24 муниципаль район
- 17 ҡала һәм 223 ауыл биләмәһе.
Иҫкәрмәләр
- ↑ Всесоюзная перепись населения 1989 года
- ↑ Всероссийская перепись населения 2002 года
- ↑ Информационные материалы об окончательных итогах Всероссийской переписи населения 2010 года 2014 йылдың 22 март көнөндә архивланған.
- ↑ Перепись населения 2002. Том 4 — «Национальный состав и владение языками, гражданство». 3. Население по национальности и владению русским языком по субъектам Российской Федерации 2007 йылдың 17 февраль көнөндә архивланған.
- ↑ Башҡорт энциклопедияһы — Лякишев Николай Павлович 2019 йылдың 23 сентябрь көнөндә архивланған. (Тикшерелеү көнө: 23 сентябрь 2019)
Һылтанмалар
- Администрация Орловской области 2008 йылдың 22 август көнөндә архивланған.
- Орловская область в справочнике-каталоге «Вся Россия» 2012 йылдың 16 октябрь көнөндә архивланған.
