Учалы ҡалаһы гербы

Учалы ҡалаһы гербы
Герб
Административ-территориаль берәмек	Учалы
Дәүләт	Рәсәй
Юрисдикция таралышы	Учалы

Учалы ҡалаһы гербы — Башҡортостан Республикаһы Учалы ҡалаһы ҡала биләмәһенең рәсми символы һәм халҡының берҙәмлеге билдәһе.

Тарихы

Учалы ҡалаһы гербы 2013 йылдың 28 мартында Учалы ҡалаһы ҡала биләмәһе советының 101-се ҡарары менән раҫлана һәм Рәсәй Федерацияһының Дәүләт геральдика регистрында — 8328 һаны менән теркәлә. Авторҙар төркөмө — Зөфәр Ғизетдинов, Әмир Шакиров (идея, учалы), Константин Моченов (геральдик эшкәртеү, Химки), Ольга Салова (рәссам һәм компьютер дизайны, Мәскәү), Вячеслав Мишин (символиканы нигеҙләү, Химки).

Тасуирламаһы

Көмөш тар һыҙат менән ҡаймаланған «тешле» зәңгәр ерлек аҫтындағы йәшел фонда башын уңға бороп үргә үрләүсе алтын кеҫәртке һүрәтләнгән. Уның баш осонда алтын төҫөндәге ҡурай сәскәһе урынлашҡан.

Нигеҙләү

Учалы ҡалаһы Башҡортостандың Урал аръяғы зонаһының төньяғында, Урал тауҙарының көнсығыш һырттарында урынлашҡан. Тарих буйынса, Учалы ҡалаһы 1939 йылда бында баҡыр-цинк мәғдәненең бай ятҡылығы асылыуына бәйле. 1955 йылда ошо нигеҙҙә Учалы тау-байыҡтырыу комбинаты төҙөлә, һуңынан ул ҡаланың төп предприятиеһына әүерелә.

Учалы ҡалаһы гербында уның барлыҡ үҙенсәлектәре сағылыш таба: көмөш менән ҡаймаланған «тештәр» Учалы ҡалаһы урынлашҡан Урал тауҙарын һынландыра; ете тажлы ҡурай сәскәһе ҡаланың Башҡортостан Республикаһына ҡарауын аңлата; башында ҡурай сәскәһе тажы торған кеҫәртке баҡыр тау хужабикәһен символлаштыра (П. Бажов әҫәрҙәренән). Учалы ҡалаһы гербында ул крайҙың тарихын һәм уның ер аҫты байлыҡтары (баҡыр, алтын, гранит, йәшмә ятҡылыҡтары) тарихын сағылдыра.

Зәңгәр төҫ — юғары ниәттәр, ихласлыҡ, тоғролоҡ, тергеҙелеү, көмөш — өмөт, сафлыҡ, эскерһеҙлек, саф күңеллелек, миһырбанлылыҡ символы.

Йәшел төҫ — тәбиғәт төҫө, яңырыуҙы, сафлыҡты, уңдырышлылыҡты, өмөттө аңлата.

Алтын — юғары ҡиммәттәр, дәрәжә, байлыҡ, уңыш символы.

Шулай уҡ ҡарағыҙ

• Учалы районы гербы
• Учалы районы флагы
• Учалы ҡалаһы флагы

Сығанаҡтар

• Герб города Учалы
• Символика