Васильев Николай Васильевич
Николай Васильевич Васильев (1923 йылдың 2 ноябре, Усть-Луга[d], Ленинград өлкәһе) — Бөйөк Ватан һуғышы ветераны. Десантсы. II дәрәжә Ватан һуғышы, Дан, Ҡыҙыл Йондоҙ, Генерал Шайморатов (2024) ордендары кавалеры. Өфө ҡалаһының почётлы гражданы (2025).
Биографияһы
Васильев Николай Васильевич 1923 йылдың 2 ноябрендә СССР-ҙың Ленинград өлкәһе Усть-Луга ҡасабаһында тыуа. Мәктәпте тамамлағас, 1941 йылда фронтҡа мобилизациялана. 1942 йылда һауа-десант ғәскәрҙәренә тәғәйенләнә. Киев йүнәлешендәге 3-сө Украин фронты составында разведчик булып хеҙмәт итә. Парашют менән 200-ҙән ашыу хәрби һикереү яһай[1].
Киев, Днепр өсөн алыштарҙа, Австрияны, Венгрияны, Чехословакияны азат итеүҙә ҡатнаша. 1945—1953 йылдарҙа Вена ҡалаһы комендатураһында хеҙмәт итә[1].
Демобилизацияланғандан һуң Өфөгә килә. Ғаилә ҡороп, ҡалала төпләнә[2].
1950 йылдарҙа Урал политехник институтын тамамлай. «Волгопродмонтаж» тресында иҡтисадсы булып эшләй. Артабан «Башмежколхозстрой» берекмәһендә иҡтисад бүлеге начальнигы була. Сирек быуат күҙәтеү органдарында эшләй[1].
Һунар менән мауыға, 80 йәшендә лә һунарға сыға[2].
2025 йылдың 15 ғинуарында «Еңеү» ойоштороу комитеты ултырышында Рәсәй Президентының РФ Оборона министрлығының (рус.)баш. барлыҡ фронтовиктарға — Бөйөк Ватан һуғышында ҡатнашыусыларға үҙ ҡалалары һәм райондарының, ауылдарының почётлы гражданы исемен биреү тураһындағы инициативаһын хуплауы нигеҙендә 2025 йылдың 27 февралендә «Өфө ҡалаһының почётлы гражданы» исеме бирелә[3].
2025 йылдың 2 ноябрендә ветеран үҙенең 102 йәшен билдәләне. Был дата менән уны Өфө ҡала мэрияһы һәм республика комиссариаты вәкилдәре ҡотланы[4].
2026 йылдың 21 февралендә ветеран Ватанды һаҡлаусылар көнө уңайынан ҡотлауҙар ҡабул итте[5].
Маҡтаулы исемдәре һәм башҡа бүләктәре
- Өфө ҡалаһының почётлы гражданы (2025);
- Генерал Шайморатов ордены (2024);
- II дәрәжә Ватан һуғышы ордены;
- Дан ордены;
- Ҡыҙыл Йондоҙ ордены;
- «Батырлыҡ өсөн» миҙалы;
- «Будапештты алған өсөн» миҙалы;
- «Венаны алған өсөн» миҙалы;
- «Совет Ҡотоп аръяғын обороналаған өсөн» миҙалы;
- юбилей миҙалдары.
Иҫкәрмәләр
- ↑ 1 2 3 Васильев Николай Васильевич. Официальный сайт совета ГО г.Уфа (27 февраль 2025). Мөрәжәғәт итеү датаһы: 2 июль 2025.
- ↑ 1 2 Алина Зиннатуллина. Как в День Победы счастливая случайность спасла жизнь фронтовика - сюжет "Вестей". ГТРК «Башкортостан» Вести (9 май 2024). Мөрәжәғәт итеү датаһы: 2 июль 2025.
- ↑ О присвоении звания «Почётный гражданин города Уфы» Васильеву Н. В. Сайт совета ГО г. Уфы (27 февраль 2025). Мөрәжәғәт итеү датаһы: 2 июль 2025.
- ↑ Инсаф Хужабирганов. Почетный житель Уфы Николай Васильев отметил 102-й день рождения. ИА «Башинформ» (2 ноябрь 2025). Мөрәжәғәт итеү датаһы: 2 ноябрь 2025. (рус.)
- ↑ Эдуард Кускарбеков. В Уфе поздравили 102-летнего десантника Николая Васильевича Васильева. ИА «Башинформ» (21 февраль 2026). Мөрәжәғәт итеү датаһы: 21 февраль 2026. (рус.)
Һылтанмалар
- Официальный сайт совета ГО г.Уфа. Васильев Николай Васильевич (рус.) (Тикшерелеү көнө: 2 ноябрь 2025)
- Информационное агентство «Башинформ». Почётным жителем Уфы стал 101-летний ветеран Николай Васильев (рус.) (Тикшерелеү көнө: 2 ноябрь 2025)
- Сетевое издание «МК в Башкортостане» ufa.mk.ru. Ветерану Великой Отечественной войны из Уфы исполнился 101 год (рус.) (Тикшерелеү көнө: 2 ноябрь 2025)
- Муниципальное автономное общеобразовательное учреждение Школа № 112 городского округа город Уфа Республики Башкортостан. Официальный сайт. Парад у дома ветерана ВОВ Васильева Николая Васильевича (рус.) (Тикшерелеү көнө: 2 ноябрь 2025)
