Карнаухов Павел Яковлевич
| Павел Яковлевич Карнаухов | ||
|---|---|---|
 | ||
| Тыуған көнө | 15 март 1917 йыл | |
| Тыуған урыны |
Рәсәй империяһы Өфө губернаһы Өфө өйәҙенең Өфө ҡалаһы |
|
| Вафат булған көнө | ғинуар 1995 йыл | |
| Вафат булған урыны |
Башҡортостан Республикаһының Өфө ҡалаһы |
|
| Гражданлығы |
 Рәсәй империяһыСовет Рәсәйе  СССР Рәсәй Федерацияһы |
|
| Эшмәкәрлеге |
нефть эшкәртеү операторы |
|
| Наградалары һәм премиялары |
|
|
Карнаухов Павел Яковлевич (15 март 1917 йыл — ғинуар 1995 йыл) — нефть эшкәртеүсе, рационализатор. Бөйөк Ватан һуғышында ҡатнашыусы, элемтәсе. Ленин орденлы Өфө нефть эшкәртеү заводы операторы. Башҡорт АССР-ының атҡаҙанған нефтсеһе. Өфө ҡалаһының почётлы гражданы (1969).
Биографияһы
Павел Яковлевич Карнаухов 1917 йылдың 15 мартында[1] Рәсәй империяһының Өфө губернаһы Өфө өйәҙенең[2] Өфө ҡалаһында тыуған[3].
Хеҙмәт эшмәкәрлеген 20 быуаттың 30-сы йылдары уртаһында Ишембай ҡалаһына һалына башлаған тимер юл төҙөлөшендә башлай[3].
Грозный ҡалаһында нефть эшкәртеүселәр курсын тамамлағандан һуң, яңы сафҡа индерелгән Ишембай нефть ҡыуҙырырыу заводындағы өс ҡоролмаһының береһендә нефть сеймалын эшкәртеү буйынса оператор була[3].
30-сы йылдар аҙағында Эшсе-крәҫтиән Ҡыҙыл Армияһына хәрби хеҙмәткә саҡырыла, полк мәктәбендә уҡып, хәрби элемтәмсе һөнәре ала[3].
Бөйөк Ватан һуғышының тәүге көндәренән хәрәкәт итеүсе ғскәрҙәр сафында фашист илбаҫарҙарына ҡаршы алыштарҙа ҡатнаша, өс тапҡыр яралана. Берлинға тиклем барып етеп, Бөйөк Еңеүҙе Өсөнсө рейх үҙәгендә ҡаршылай[3].
Демобилизациянғандан һуң хеҙмәт эшмәкәрлеген Өфө нефть эшкәртеү заводына оператор булып дауам итә. Предприятиела эшләү дәүерендә 30-ға яҡын рационализаторлыҡ тәҡдиме индерә, шуларҙың 23-ө производствола ҡулланыла[3].
П. Я. Карнаухов йәш белгестәрҙең яҡшы остазы була. Уның уҡыусылары артабан инженер вазифаларында, өлкән операторҙар, цехтар һәм лабораториялар етәкселәре сифатында хеҙмәт һала[3].
1969 йылда Карнаухов Павел Яковлевичҡа «Өфө ҡалаһының почётлы гражданы»[4] тигән маҡтаулы исем бирелә[3].
Хеҙмәт ветераны 1995 йылдың ғинуарында Өфө ҡалаһында вафат була[3].
Маҡтаулы исемдәре һәм башҡа бүләктәре
• Башҡорт АССР-ының атҡаҙанған нефтсеһе
• Өфө ҡалаһының почётлы гражданы (1969)
Иҫкәрмәләр
- ↑ Редакция газеты «Вечерняя Уфа», официальный сайт. День в истории: 15 марта (рус.) (Тикшерелеү көнө: 6 декабрь 2024)
- ↑ Хәҙер Башҡортостан Республикаһы.
- ↑ 1 2 3 4 5 6 7 8 9 Совет городского округа город Уфа Республики Башкортостан. Официальный сайт. Главная > Почётные граждане > Карнаухов Павел Яковлевич (рус.) (Тикшерелеү көнө: 6 декабрь 2024)
- ↑ Редакция газеты «Вечерняя Уфа». Официальный сайт. День в истории: 15 марта (рус.) (Тикшерелеү көнө: 6 декабрь 2024)
Һылтанмалар
• Совет городского округа город Уфа Республики Башкортостан. Официальный сайт. Главная > Почётные граждане > Карнаухов Павел Яковлевич (рус.) (Тикшерелеү көнө: 6 декабрь 2024)
• Редакция газеты «Вечерняя Уфа». Официальный сайт. День в истории: 15 марта (рус.) (Тикшерелеү көнө: 6 декабрь 2024)
- Алфавит буйынса шәхестәр
- Рәсәй империяһында тыуғандар
- Өфө губернаһында тыуғандар
- Өфө өйәҙендә тыуғандар
- Өфөлә тыуғандар
- Өфөлә вафат булғандар
- 15 мартта тыуғандар
- 1917 йылда тыуғандар
- Нефтселәр
- Башҡортостандың атҡаҙанған нефтселәре
- Өфө ҡалаһының почётлы граждандары
- Бөйөк Ватан һуғышында ҡатнашыусылар
- 1995 йылда вафат булғандар