Аҡназаров Зәкәриә Шәрәфетдин улы

Аҡназаров Зәкәриә Шәрәфетдин улы
Аҡназаров Зәкәриә Шәрәфетдин улы
	Зәкәриә Шәрәфетдин улы Аҡназаров
	Файл:Акназаров Зекерия Шарафутдинович.jpgАҡназаров З. Ш., Башҡорт АССР-ы Министрҙар Советы Рәйесе (1971 йыл)
Башҡорт АССР-ы Министрҙар Советы Рәйесе
	6 февраль 1962 — 8 ғинуар 1986
Алда эшләүсе	Нәбиуллин Вәли Ғәбей улы
Дауам иттереүсе	Мирғәзәмов Марат Парис улы
Тыуған	22 август 1924; Башҡорт АССР-ы Йылайыр районы Ямаш ауылы
Вафат булған	2 апрель 2000 (75 йәш); Рәсәй Өфө ҡалаһы
Ерләнгән урыны	Өфө мосолман зыяраты;
Фирҡәһе	КПСС
Белеме	К. А. Тимирязев исемендәге Башҡорт дәүләт педагогия институты (1950); Рәсәй дәүләт хеҙмәте академияһы[d] (1962);

Аҡназаров Зәкәриә Шәрәфетдин улы (рус. Акназаров Зекерия Шарафутдинович; 22 август 1924 йыл — 2 апрель 2000 йыл) — комсомол, партия һәм дәүләт органдары хеҙмәткәре. Бөйөк Ватан һуғышында ҡатнашыусы. 1962—1986 йылдарҙа Башҡорт АССР-ы Министрҙар Советы Рәйесе. СССР-ҙың 6—9‑сы, РСФСР-ҙың 10-сы һәм 11‑се, Башҡорт АССР-ының 4—11‑се саҡырылыш Юғары Советы депутаты. 1966—1971 йылдарҙа КПСС‑тың Үҙәк ревизия комиссияһы ағзаһы. Ике Ленин (1971, 1984), Октябрь Революцияһы (1981), ике Хеҙмәт Ҡыҙыл Байраҡ (1957, 1966) һәм Халыҡтар Дуҫлығы (1974) ордендары кавалеры. Өфө ҡалаһының почётлы гражданы.

Биографияһы

Зәкәриә Шәрәфетдин улы Аҡназаров 1924 йылдың 22 авгусында Башҡорт АССР-ының Йылайыр кантоны (хәҙерге Баймаҡ районы) Ямаш ауылында тыуған.

1940 йылда Темәс башҡорт педагогия училищеһын, 1948 йылда Өфөләге Өлкә-ара партия мәктәбен, 1950 йылда К. А. Тимирязев исемендәге Башҡорт дәүләт педагогия институтын, 1962 йылда Мәскәүҙә КПСС Үҙәк Комитеты ҡарамағындағы Ижтимағи фәндәр академияһын тамамлаған.

1941—1942 − Баймаҡ районы Мырҙый башланғыс мәктәбендә уҡытыусы;
1946—1948 − ВЛКСМ-дың Баймаҡ район комитетының икенсе секретары;
1948—1951 − ВЛКСМ-дың Башҡортостан өлкә комитеты инструкторы, бүлек мөдире урынбаҫары, секретары, икенсе секретары;
1951—1954 − ВЛКСМ-дың Башҡортостан өлкә комитетының беренсе секретары;
1954—1962 − КПСС-тың Башҡортостан өлкә комитетының бүлек мөдире;
1962—1986 − Башҡорт АССР-ы Министрҙар Советы Рәйесе.

Ике Ленин (1971, 1984), Октябрь Революцияһы (1981), ике Хеҙмәт Ҡыҙыл Байраҡ (1957, 1966) һәм Халыҡтар дуҫлығы (1974) ордендары, СССР-ҙың күп миҙалдары менән бүләкләнгән. Өфө ҡалаһының Мосолман зыяратында ерләнгән^[1].

Ғаиләһе

Ҡатыны Аҡназарова (Медведева) Федора Петровна (1923—1995) Баҡалы районы Яңы Балыҡлы ауылынан. Күп йылдар комсомол һәм партия органдарында эшләй.

Иҫкәрмәләр

↑ Мосолман зыяратында Зәкәриә Аҡназаров ҡәбере

Һылтанмалар

Ф. А. Ишҡолов. АҠНАЗАРОВ Зекериә Шәрәфетдин улы (башҡ.). «Башҡортостан» төбәк интерактив энциклопедик порталы. Дата обращения: 22 август 2024.
Рәшит Шәкүр. Арҙаҡлы башҡорттар. — Өфө: Китап, 2005. — 376 с. — ISBN 5-295-02098-3.
Глава Башкирии отметил 100-летие Зекерии Акназарова. ИА Башинформ, 22 августа 2024 года (рус.) (Тикшерелеү көнө: 22 август 2024)

[1] Мосолман зыяратында Зәкәриә Аҡназаров ҡәбере

[1]

Башҡортостан Хөкүмәте етәкселәре
Башҡорт Хөкүмәте рәйесе	Юныс Бикбов (декабрь 1917 — ғинуар 1919) • Мстислав Ҡулаев (ғинуар 1919 — март 1919)
Башҡортостан Хәрби-революцион комитеты рәйесе	Харис Йомағолов (май 1919 — ғинуар 1920) • Әхмәтзәки Вәлидов (февраль 1920 — июнь 1920) • Фәйзулла Мансырев (июнь 1920 — июль 1920)
Башҡорт АССР-ы Халыҡ Комиссарҙары Советы рәйесе	Ғәли Шәмиғолов (июль 1920 — октябрь 1920) • Фәйзулла Мансырев (в. б., ноябрь 1920 — июль 1921) • Муллайән Халиҡов (1921—1925) • Әҡсән Мөхәмәтҡолов (1925—1930) • Зиннәтулла Булашев (1930—1937) • Фазыл Шаһимарҙанов (1937—1940) • Сабир Ваһапов (1940—1946)
Башҡорт АССР-ы — ССР-ы Министрҙар советы рәйесе	Насир Ураҙбаев (1946—1951) • Вәли Нәбиуллин (1951—1962) • Зәкәриә Аҡназаров (1962—1986) • Марат Мирғәзәмов (1986—1992)
Башҡортостан Республикаһы Министрҙар советы — Министрҙар кабинеты — Хөкүмәте премьер-министры	Анатолий Копсов (1992—1994) • Рим Баҡыев (1994—1999) • Рафаэль Байдәүләтов (1999—2008) • Раил Сарбаев (2008—2010) • Рөстәм Хәмитов¹ (2010—2011) • Азамат Илембәтов (2011—2012) • Рөстәм Хәмитов¹ (2012—2015) • Рөстәм Мәрҙәнов (2015—2018) • Радий Хәбиров² (2018—2020) • Андрей Назаров (2020—х. в.)
¹ Башҡортостан Республикаһы Президенты булараҡ хөкүмәт менән етәкселек иткән. ² Башҡортостан Республикаһы Башлығы булараҡ хөкүмәт менән етәкселек итә.