Дүртөйлө йырыны
Дүртөйлө йырыны (рус. Дюртюлинский овраг) — төбәк әһәмиәтендәге дендрологик тәбиғәт ҡомартҡыһы (1985).
Тасуирламаһы
Шаран районы Дүртөйлө ауылы янында Уҡыяҙ йылғаһы[1] үҙәнендә урынлашҡан, ҙур һыу йыйыу майҙаны булған тарбаҡлы йырын-һыҙа системаһының бер өлөшө. Дөйөм майҙаны — 44 гектар. 1965—1992 йылдарҙа Бөтә Союз урмансылыҡ һәм урман хужалығын механизациялау ғилми-тикшеренеү институтының Башҡортостан урман тәжрибә станцияһында ғилми-тикшеренеү эштәре объекты була. Унда төрлө гидротехник ҡоролмаларҙы һәм урман-мелиоратив ултыртмаларҙы файҙаланып, йырын эрозияһына ҡаршы көрәштең рациональ алымдарын әҙерләү буйынса күп йыллыҡ стационар тәжрибәләр уҙғарыла. Йырындарҙы комплекслы нығытыу өлгөһө булыл иҫәпләнә[2].
Йырын-һыҙа ағастары ултыртыуҙа 60-тан ашыу ағас һәм ҡыуаҡ төрө: ҡарағай, тирәк, ҡайын, һырғанаҡ һ.б ҡулланыла. Улар 1968—1971 йылдарҙа ултыртыла.
Тәбиғәт ҡомартҡыһы практик, фәнни-ағартыу, эстетик һәм тарихи әһәмиәткә эйә.
Иҫкәрмәләр
- ↑ Сөн йылғаһы ҡушылдығы
- ↑ / ООПТ Дюртюлинский-овраг-у-с-Дюртюли
Һылтанмалар
- Дүртөйлө йырыны // Башҡорт энциклопедияһы. — Өфө: «Башҡорт энциклопедияһы» ғилми-нәшриәт комплексы, 2015—2020. — ISBN 978-5-88185-143-9.
- / ООПТ Дюртюлинский-овраг-у-с-Дюртюли
- Дюртюлинский овраг у с Дюртюли. — «Рәсәйҙең махсус һаҡланыусы тәбиғәт биләмәләре» мәғлүмәт-аналитика сайты мәғлүмәте: (ИАС «ООПТ РФ») (рус.).
- «Шаранские просторы» Дюртюлинский овраг – государственный памятник природы
