Фёдоровка заказнигы

Фёдоровка районы Фёдоровка ауылынан көньяҡ-көнсығышҡа табан 5 км алыҫлыҡта Ашҡаҙар йылғаһы бассейнында урынлашҡан тәбиғәт ҡомартҡыһы.

Дөйөм майҙаны — 1,7 мең га, 99,8%-ын урман ҡаплаған. Рельефы тигеҙлектәрҙән, һөҙәк убаларҙан тора.

Миләш, муйыл, балан, сөйәлле зелпе, ҡурай еләге, гөлйемеш һәм башҡа ваҡ ағаслыҡтарҙан торған ҡатнаш киң япраҡлы имән һәм йүкә урмандары, ҡырҡындыларҙа уҫаҡлыҡтар таралған^[1].

Ҡурсаулыҡта 50-гә яҡын имеҙеүсе һәм 120 төр ҡоштар осрай, шуларҙың 23-ө — һунар фаунаһы вәкилдәре.

Йәнлектәрҙән: аҡ ҡуян, бурһыҡ, йылға ҡондоҙо, ҡабан, ҡоралай, мышы, төлкө, үрғуяны, һеләүһен, янут эте, аҫ йәшәй.

Ҡоштарҙан: ҡор ҡарсығаһы, ағуна, һаҙ турғайы, сәүкә, ҡоҙғон, ҡыр тауығы һ.б.;

Ҡолаҡлы терпе, ялман, һоро ағуна, аполлон, махаон Башҡортостан Республикаһының  Ҡыҙыл китабына индерелгән^[2].

Заказник хужалыҡ, фәнни һәм мәҙәни әһәмиәткә эйә.