Сираева Сәүиә Ғимаҙислам ҡыҙы

1934 йылдың 5 ғинуарында Башҡорт АССР-ының Нуриман районы Иҫке Исай ауылында тыуған.

1952 йылда Өфө дәүләт театр-художество училищеһын (Х. Бухарский курсы) тамамлай.

Училищены тамамлағас, Башҡорт дәүләт филармонияһында, шунан 1960—1963 йылдарҙа — Салауат башҡорт дәүләт драма театры артисы, 1964 йылдан хәҙерге Мәжит Ғафури исемендәге Башҡорт дәүләт академия драма театрында, 1989 йылдан — Өфө йәш тамашасылар театрында, 1993 йылдан — Өфө «Нур» татар дәүләт театрында эшләй.

Сәүиә Сираева — комик һәм үткер характерлы ролдәр актёры.

Режиссёр булараҡ, 1999 йылда «Нур» театрында Сәйфи Ҡудаштың «Урман әкиәте» спектаклен сәхнәгә ҡуя, ул «Ҡолонсаҡ — 2000» II республика балалар спектаклдәре фестивале лауреаты була һәм «иң үҙенсәлекле ҡуйылыш» номинацияһында бүләкләнә^[2].

1987 йылдан СССР Театр эшмәкәрҙәре союзы ағзаһы.

2019 йылда Сәүиә Сираева Салауат Юлаев ордены менән бүләкләнә^[3]>.

2021 йылдың апрелендә сәхнә оҫтаһына «Өфө ҡалаһының почетлы гражданы» исеме бирелә^[4].

2024 йылдың февралендә «Нур» театрында үткән юбилей кисәһендә Сәүиә Сираеваға Башҡортостандың Халыҡтар дуҫлығы ордены һәм Рәсәй Театр эшмәкәрҙәре союзының Почёт грамотаһы тапшырыла^[5].

• Йыһан — «Башмағым» М. Фәйзи;
• Сабира — «Ҡыҙ урлау» М. Кәрим;
• Сайма — «Ҡибла ҡайҙа?» Аманулла;
• Гөлниса — «Рәйсә» Н. Асанбаев;
• Гөлирә — «Аманатҡа хыянат» Ф. Богданов;
• Тайфа — «Өс аршын ер» Ә. Ғиләжев;
• Разия — «Яңғыҙ» Т. Миңнуллин;
• Сихырсы — «Сихырсы» Н. Ғиматдинова;
• Сәйҙә — «Үлтер мине, йәнем!» Г. Несин;
• Хәтирә — «Йәшлегем яулығы» Т. Миңнуллин;
• Әсәй — «Әсәйемдең аҡ яулығы»;
• Бибиәсмә — «Көҙ» Ғ. Исхаҡи;
• Тутыя ханым — «Һаҡлайыҡ әле күңел хистәрен» Р. Кол-Даулет;
• Мәрфуға — «Күрәҙәсе» З. Хәким;
• Йыһан — «Аршин мал алан» Ү. Ғажибәков;
• Ҡатын — «Төш» М. Ғиләжев;
• Мәрйәм инәй — «Аҡлы-ҡаралы мөғжизә» И. Бикбулатов;
• Ғәлимәбану — «Ғәлиәбаныу» М. Фәйзи;
• Ҡорбанбикә — «Киске табын» М. Кәрим;
• Фәриҙә өләсәй — «Уйҙарымдан ғына юғалма…» Р. Гюнтекин;
• Маһруй ҡоҙағый — «Еҙнәкәй» Х. Ибраһимов;
• Тутыҡай — «Ябалаҡ боролошонда» Ф. Бигашев;
• Нәғимә — «Банкрот» Ғ. Камал;
• Йыһан — «Йыр менән янған» М. Фәйзи;
• Апай — «Без йәнәш йәшәйбеҙ» Аманулла;
• Байбикә — «Ҡурай моңдары» Н. Ғәйетбаев;
• Зәбирә — «Законлы никах менән» Ә. Атнабаев;
• Любовь Шевцова — «Йәш гвардия» А. А. Фадеев;
• Майсәрә — «Американ» К. Тансурин;
• Әсәй — «Ай булмаһа, йондоҙ бар» Т. Миңнуллин;
• Миңлегөл — «Йырланмаған йыр» М. Кәрим;
• Нәсихә — «Юл сатында» Ә. Атнабаев;
• Райсовет рәйесе — «Ун өсөнсө председатель» Ә. Абдуллин;
• Рәсимә — «Ауыл күренештәре» Ә. Мирзаһитов;
• Рәсимә — «Игеҙәктәр» Ә. Атнабаев;
• Рәхилә — «Әсәйҙәр һәм бәпәйҙәр» Т. Миңнуллин;
• Сверюга — «Иванов» А. П. Чехов;
• Судья — «Ун өсөнсө председатель» Ә. Абдуллин;
• Тайфа — «Өс аршын ер» Ә. Ғиләжев;
• Ҡорбанбикә — «Киске табын» М. Кәрим;
• Ғәлимә — «Хажи әфәнде өйләнә» Ш. Камал;
• Ағинәй — «Аҡ сәскә — һиңә бүләк» Р. Нурлығаянов^[2]Савия Сираева  (урыҫ). kino-teatr.ru. Мөрәжәғәт итеү датаһы: 1 июль 2026..

Мәрйәм ролендә «Ай ҡыҙы» (2001—2002; ТРК «Башкортостан») телефильмында төшкән^[1].

• Башҡортостандың Халыҡтар дуҫлығы ордены (2024)^[6];
• Салауат Юлаев ордены (2019)^[7];
• Рәсәй Федерацияһының атҡаҙанған артисы (2007)^[8];
• Башҡорт АССР-ының халыҡ артисы (1989);
• Татарстан Республикаһының халыҡ артисы (2000);
• Рәсәй Театр эшмәкәрҙәре союзының Почёт грамотаһы (2024);
• Нуриман районының почётлы гражданы;
• Өфө ҡалаһының почётлы гражданы (2021)^[9];
• Салауат Юлаев (2019) һәм Халыҡтар дуҫлығы (2024) ордендары кавалеры. Нуриман районының һәм Өфө ҡалаһының почётлы гражданы (2021);
• «Дуслык» ордены (2023, Татарстан)^[10];
• «Мәҙәниәт һәм сәнғәттәге ҡаҙаныштары өсөн» ордены (2024)^[11];
• «Хеҙмәт фиҙаҡәрлеге өсөн» миҙалы (2021)^[2].

Ғимаҙлислам менән Гульямал Сираевтарҙың ҙур ғаиләһендә 12-се кинйә бала булып тыуа. Тыуған ауылында туғандарынан Рәшит ағаһы йәшәй. Сәүиә Сираева — ике ул әсәһе һәм өс ейән-ейәнсәргә өләсәй. Бер улы Өфөлә йәшәй, коммерция менән шөғөлләнә, икенсеһе — Мәскәүҙә^[12].